Веројатно најголемите ограничувања следната недела ќе ги воведе Словенија- задолжителен сертификат за ковид за сите над 12 години, а најлиберална е Данска без ниту една мерка
Од 1 октомври, здравствените работници во Хрватска ќе мора да имаат ковид-сертификат за доаѓање на работа, и доколку не се вакцинирани или не прележале, ќе можат да се тестираат на државна сметка. Со ова, Хрватска практично најави воведување на сертификати за ковид во болниците, што е далеку поблаго од ограничувањата во повеќето европски земји.
Од среда, Словенија ќе воведе задолжителни сертификати за ковид за сите постари од 12 години.
Во меѓувреме, во Европа викендов се оджаа неколку собири на противниците на вакцинацијата. Бруталните судири на улиците во Франција траат девет недели, а овој пат причина за протестот е стапување во сила на обврската за вакцинација за здравствените работници.
Меѓу оние што протестираа имаше негуватели, медицински сестри и физиотерапевти. Ако не се вакцинирани, тие ќе бидат суспендирани од работа и нема да можат да одат во барови или трговски центри без пропусница.
Собирот уште се нарекува протест на таканаречените патриоти, кои не веруваат во вакцини.
Илјадници истомисленици во Грција беа растерани со водени топови и солзавец. Но, ова не се први протести, бидејќи демонстрациите траат од јули, кога Владата ги повика здравствените работници да примат барем една доза од вакцината, потоа го повтори повикот, а оние што одбиваат не можат да одат на работа.
Протести против заострување на епидемиолошки мерки викендов се одржаа и во Виена, Истанбул, делови од Холандија.
А од Данска доаѓа сосема друга приказна.
Откако 83 проценти од Данците беа вакцинирани, сите епидемиолошки мерки се укинати, а потоа се одржа концерт на кој се собраа 50 илјади луѓе. Пред почетокот, сите невакцинирани лица можеа да се вакцинираат.
Во Обединетото Кралство се случи пресврт. Иако се очекуваше да се воведат сертификати за ковид за влез на сите големи настани, вклучително и клубовите, министерот за здравство објави – ништо од тоа.
„Се разбира, ние се уште сакаме да бидеме внимателни. Некои мерки се уште ќе треба да останат во сила, како што се оние поврзани со патувањето. Сепак, негативен ПЦР тест при враќање во земјата – сакам да се ослободам од тоа што е можно поскоро“,
изјави Саџид Џавид, британскиот министер за здравство.
Во Словенија, од среда стапува на сила заострување на мерките. Сите вработени, како и корисниците на услугите, ќе мора да имаат сертификат за ковид, односно да го исполнуваат условот дека прележале, биле вакцинирани или имаат негативен тест, и мора да се тестираат еднаш неделно.
„Во принцип, ние го поддржуваме воведувањето на сертификати за ковид, бидејќи тој сертификат важи насекаде. Сепак, не можеме да прифатиме дека посетителите не можат да влезат во нашиот маркет. Не можете само да му кажете некому што одел во една продавница дека повеќе не може да оди кај својот месар или во пекарница. Истото важи и за аптеките или продавниците со хигиенски средства“,
вели вработен во трговскиот центар.