Двата најголеми ланци градинки во САД нудат бесплатно чување деца на 2 500 локации, додека нивните родители се вакцинираат. Некои аптеки ќе останат отворени преку ноќ, за луѓето да можат да доаѓаат на вакцинација во секое време. Националниот ланец на аптеки, исто така, дава парични награди или крстарења за имунизираните
Бајден постави цел до 4 јули да се вакцинираат 70 проценти од возрасните, а во моментов тој процент е 63
Претседателот на САД, Џозеф Бајден препорача специјални програми за поттикнување на вакцинацијата против коронавирусот, а меѓу препораките има и бесплатни крофни и бесплатни летови, објави Гласот на Америка.
Бидејќи интересот за вакцината опаѓа, особено во некои малцински заедници, Бајден препорача фризерите и берберите да бидат вклучени во посебна програма за да присуствуваат на курсеви за важноста на вакцините, а потоа да им го пренесат тоа знаење на своите клиенти.
„Фризерските и козметичките салони се центри за пренесување информации, особено во малцинските заедници“,
вели Бајден, кој постави цел до 4 јули да се вакцинираат 70 проценти од возрасните.
Во моментов тој процент е 63.
Двата најголеми ланци градинки во САД нудат бесплатно чување деца на 2 500 локации, додека нивните родители се вакцинираат. Некои аптеки ќе останат отворени преку ноќ, за луѓето да можат да доаѓаат на вакцинација во секое време. Националниот ланец на аптеки, исто така, дава парични награди или крстарења за имунизираните.
Некои супермаркети ќе делат и награда за бесплатно купување намирници за вакцинирани лица во текот на цела година, а некои авиокомпании ќе ги наградат своите редовни вакцинирани клиенти со една година бесплатно летови.
Дури и една голема пиварница објави дека ќе дистрибуира бесплатно пиво на сите вакцинирани возрасни Американци, доколку 70 проценти од луѓето се вакцинираат до 4 јули.
Ланецот продавници за крофни „Криспи крим“ објави дека веќе донирал 1,5 милиони крофни за оние кои имаат доказ за вакцинација, а за Националниот ден на крофни в петок, вакцинираните ќе добијат по две бесплатни крофни.