Триесетгодишниот А.З. обвинет за шверцување мигранти, кој денеска ѝ избега на затворската полиција пред Кривичниот суд во Скопје, е приведен.
Како што информираат од Министерството за внатрешни работи, тој бил фатен на Камениот мост во центарот на Скопје.
„Полициски службеници од СВР-Скопје – Единицата за прв одговор и интервенција денеска кај Камен мост во Скопје го привеле 30-годишниот скопјанец А.З., кој во 9:40 часот, при излез од Кривичниот суд додека бил спроведуван од страна на затворската полиција избегал. Веднаш по добиената пријава преземени се соодветни мерки и А.З е приведен во Полициската станица Центар за понатамошна постапка“,
велат од МВР.