Обвинителството до надлежниот суд достави и посебен предлог за продолжување на веќе определената мерка притвор за обвинетиот
Основното јавно обвинителство Струга поднесе обвинение против 57-годишниот професор од Струга, кој со боксирач повреди ученик во пределот на главата.
Професорот ќе одговара за сторено кривичното дело – Насилство од член 386 став 1 во врска со став 3 од Кривичниот законик.
„Обвинетиот на 23.12.2021 година околу 13:30 часот, со боксирач удрил ученик на возраст од 18 години. Физичкиот напад следел по претходно влошени меѓусебни односи и вербална расправија. Притоа, обвинетиот замавнал со десната рака на која претходно го имал ставено железниот боксирач и го удрил оштетениот ученик во пределот на главата. Со преземените дејствија обвинетиот нанел телесни повреди кај оштетениот, извршил грубо насилство и во јавноста предизвикал чувство на несигурност“,
информираа од Обвинителството.
Обвинителството до надлежниот суд достави и посебен предлог за продолжување на веќе определената мерка притвор за обвинетиот.