Според Управата за хидрометеоролошки работи облачното, студено и ветровито време ќе се задржи и утре на територијата на земјава, каде наместа ќе провејува слаб снег
Денеска времето во земјава ќе биде претежно облачно и студено со врнежи од дожд, а на повисоките места од дожд и снег. На планините врнежите ќе бидат од снег. Ќе дува умерен умерен до засилен ветер од северен правец, која наместа ќе достигне брзина и над 70 километри на час, информираат од Управата за хидрометеоролошки работи (УХМР).
Минималната температура се движи во интервал од два до осум Целзиусови степени, а максималната дневна ќе достигне од пет до 13 степени.
Во Скопје, ќе биде, исто така, претежно облачно и постудено со врнежи од дожд. Кон крајот на денот се очекува во повисоките делови од котлината врнежите да бидат од дожд и снег. Ќе дува умерен до засилен ветер од северен правец, а дневната температура во главниот град ќе достигне максимални осум Целзиусови степени.
Според Управата за хидрометеоролошки работи облачното, студено и ветровито време ќе се задржи и утре на територијата на земјава, каде наместа ќе провејува слаб снег.
Во наредните денови од претстојната седмица ќе биде стабилно, но ветровито, со утрински температури кои насекаде ќе бидат под нулата, додека дневните ќе бидат во постепен пораст.