Во форензичкиот извештај не е наведено дали Амини се здобила со повреди. Во него пишува дека младата девојка колабирала додека била во притвор поради „основни заболувања“, пренесува Ал Арабија
Младата Иранка Махса Амини не умрела како последица на ударите во главата, виталните органи и екстремитетите, туку поради откажување на повеќе органи поради церебрална хипоксија, покажал форензичкиот извештај, информира официјалната иранска новинска агенција ИРНА.
Во форензичкиот извештај не е наведено дали Амини се здобила со повреди. Во него пишува дека младата девојка колабирала додека била во притвор поради „основни заболувања“, пренесува Ал Арабија.
„Поради неефикасна кардиореспираторна реанимација во првите критични минути, таа претрпе тешка хипоксија, односно намален доток на кислород, а како резултат на тоа дојде до оштетување на мозокот“,
се вели во извештајот.
Смртта на 22-годишната Амина во ирански притвор, каде што беше одведена од полицијата за морал, предизвика протести низ целата земја кои траат веќе две недели.
Нејзиниот татко рече дека таа се здобила со модринки на нозете и ја смета полицијата за одговорна за нејзината смрт.