Лицата го напуштиле местото откако биле забележани од полицискиот службеник што бил задолжен за обезбедување на изборниот материјал
Три машки лица денеска се обиделе да ги отворат предната врата и капијата на објектот на Општина Чаир каде што се чува изборен материјал.
Настанот, како што пренесува МИА, бил пријавен во Полициската станица „Бит-пазар“. Лицата го напуштиле местото откако биле забележани од полицискиот службеник што бил задолжен за обезбедување на изборниот материјал.
Како што соопштиле за МИА од Министерството за внатрешни работи, не е причинета штета на капијата, ниту на изборниот материјал и се преземаат мерки за расчистување на случајот.