Доколку се постигне договор меѓу парламентарните партии, на оваа седница би можело на дневен ред да биде и изборот на уставен судија
Измените и дополнувањата на Законот за заштита на населението од заразни болести, ребалансот на Буџетот и Законот за заштита од дискриминација се очекува да бидат на дневен ред на собраниската седница закажана за 27 октомври.
Претседателот на Собранието Талат Џафери денеска на средба со новинарите изјави дека пратеничките групи побарале Законот да не биде ставен на седницата на 20 овој месец за да се усогласат за одредени прашања.
Но, Џафери одлучил седницата да ја закаже на 27 октомври, кога би имало повеќе точки на седницата.
Спикерот на парламентот најави дека доколку се постигне договор меѓу парламентарните партии, на оваа седница би можело на дневен ред да биде и изборот на уставен судија.
До 27 се очекува да заврши изолацијата на тројцата пратеници кои беа позитивни на ковид-19.