Новата малопродажна цена на еуросупер БС-95 ќе биде 77,5 денари за литар, еуросупер БС-98 ќе се продава за 79,5, еуродизел БС (Д-Е V) за 67,5, а екстра лесното масло за горење (ЕЛ-1) за 66,5 денари за литар
Од ноќеска на полноќ бензините и дизел горивата ќе имаат повисока цена. Цената на дизел горивата се зголемува за еден денар за литар, а бензинот еуросупер БС-95 поскапува за половина денар, додека цената на еуросупер БС-98 останува иста. Со денешната одлука од Регулаторната комисија за енергетика и водни услуги велат дека се врши зголемување на малопродажните цени на нафтените деривати во просек за 0,6 отсто.
Новата малопродажна цена на еуросупер БС-95 ќе биде 77,5 денари за литар, еуросупер БС-98 ќе се продава за 79,5, еуродизел БС (Д-Е V) за 67,5, а екстра лесното масло за горење (ЕЛ-1) за 66,5 денари за литар.
Со одлуката на РКЕ, за 0,273 денари за килограм се намалува малопродажната цена на мазутот и ќе изнесува 38,882 денари.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 0,761 отсто, кај дизелот за 2,455 и кај екстра лесното масло за 2,227 отсто, додека кај мазутот има намалување е за 1,217 отсто. Курсот на денарот во однос на доларот по кој беа формирани цените со претходната пресметка е повисок за 0,259 отсто.