Ниту еден од патниците за Финска го нема во базата на позитивни на ковид во Министерството за здравство

Министерството за здравство информира дека веќе се извршени проверки за сите патници од авионот за Финска и ниту еден од патниците кои се македонски државјани ги немало во регистарот како позитивни случаи на ковид-19.

Во летот за Финска само двајца патници биле со македонски пасоши

„Ниту еден од нив не е регистриран во базата на позитивни случаи со ковид-19 во нашата земја, што значи немаат решение за изолација како позитивни од Државниот санитарен и здравствен инспекторат“,

велат од Министерството за здравство.

24 патници од Македонија заразени со ковид-19 слетале во Финска, земјата воведе задолжителен тест

Претходно, како што информираа од Министерството, само двајца патници биле со македонски пасоши, а најмногу имало со косовски (95) и со фински (60), а останатите биле со бугарски, естонски, албански и шведски пасоши.

Во авионот од Скопје за Турку имало 157 патници од кои 24 тесттирани се покажале како позитивни на ковид-19.