Во написот на социјалните мрежи на локалната канцеларија ООН во Скопје никаде не стои името на ВМРО ДПМНЕ ниту моето име, а речиси секаде низ медиумите под контрола на власта ќе прочитате наслов – ООН го демантираше Николоски, пишува во реакцијата на потпретседателот на ВМРО-ДПМНЕ
Потпретседателот на ВМРО-ДПМНЕ, Александар Николоски, реагира на медиумските наслови дека Обединетите Нации ги демантираат неговите наводи дека земјава е сместена во групата држави кои немаат јасни ограничувања во однос на приемот на лица од други земји и дека мерките за превенција од коронавирусот на граничните премини не се доволно рестриктивни.
*поврзана вест Не мешајте го нашето име во политички дискусии, му порачаа Обединетите нации на Николоски
„Ја разбирам нервозата во СДСМ и фактот што ситуацијата им бега од контрола, но не ја разбирам потребата да лажат, надсихорнизираат и додаваат. Тоа што така бурно реагираат значи само едно, дека сме погодиле во центарот. А, каква е вистината: во написот на социјалните мрежи на локалната канцеларија ООН во Скопје никаде не стои името на ВМРО ДПМНЕ ниту моето име, а речиси секаде низ медиумите под контрола на власта ќе прочитате наслов – ООН го демантираше Николоски. Тоа е нивното разбирање на слободата, но не и на останатиот демократски свет“,
пишува Николоски во реакцијата на „Фејсбук“.
Николоски додава дека вистината е оти „мерките не се доволно рестриктивни“.
„Тоа не го кажуваме ние, тоа го кажуваат Обединетите нации. Согласно јавно достапните електронски податоци од Обединетите нации, кои се собираат преку нивните надлежни агенции, Македонија е карактеризирана во земји кои немаат јасни ограничувања во однос на приемот на лица од други држави. На крајот дека ова е вистина, а владата неспособна, за жал, го кажуваат и бројките“,
вели потпретседателот на ВМРО-ДПМНЕ.
Притоа, Николоски објавува „четири слики од ИОМ при ООН“, за кои нуди и свои коментари. Ги пренесуваме во продолжение:
1. Состојба со Македонија каде јасно се гледа дека рестрикција за влез во Македонија има заради медицински мерки
2. Состојба со Србија каде јасно се гледа дека за разлика од Македонија има ограничување за влез од одредени држави што во Македонија го НЕМА
3. Споредба на рестрикции со други земји од Централна Европа каде се гледа дека рестрикциите во Македонија се најслаби
4. Листа на шифри на рестрикции за полесно читање на материјалот
*поврзана вест ВМРО-ДПМНЕ: Бараме гаранција дека парите од задолжувањето нема да завршат во фирми на Заеви