Во ЦУК засега нема пријавено штети
Силен дожд со град попладнево околу 14 часот го зафати Велес. Велешките главни и споредни улици во ниските делови од градот беа поплавени со вода поради високата конфигурација на градот и нерешената атмосферска канализација, јави дописничката на МИА.
Движењето на сообраќајот по главните улици беше отежнато, а посебно на пешаците кои не можеа да ги преминат улиците од едната на другата страна.
Од Центарот за справување со кризи за МИА информираат дека засега нема пријавено штети од невремето.
Земјоделски стручњаци, пак, очекуваат пријави од земјоделците за оштети на родот од градинарски култури и овошни дрвца.