Задолжителната вакцинација во таа земја би можела да биде воведена во февруари 2022 година, по дебата во парламентот
Германија прогласи карантин за невакцинираните луѓе, на кои, според канцеларката Ангела Меркел, ќе им биде забранет пристапот до многу јавни места, вклучително и продавници и настани кои не се од суштинско значење.
Ова нема да важи за оние кои неодамна се опоравиле од Ковид, јавува Би-би-си.
„Културните настани и оние кои се посетуваат во слободното време ќе бидат отворени само за оние кои се вакцинирани или прележале ковид“,
посочи Меркел.
Таа додаде дека сметаат оти ситуацијата е многу сериозна и дека сакаат да ги заострат постоечките мерки.
Таа најави и дека задолжителната вакцинација во таа земја би можела да биде воведена во февруари 2022 година, по дебата во парламентот.