Пратеничката на ВМРО-ДПМНЕ го изнесе предлогот во дискусија со Калевска од СДСМ околу проблемите со кои се соочува парламентарното мнозинство при обезбедувањето кворум
Или обезбедете си 61 пратеник или дојдете во опозиција, па заедно ќе направиме влада – ѝ се обрати пратеничката на ВМРО-ДПМНЕ Иванка Василевска на својата колешка од СДСМ Снежана Калевска Ванчева, за време на нивното вечерашно гостување на ТВ21.
„Еве ова е отворена понуда до власта. Видовме дека може со гаранции да се даде мандатот на втора партија по ред на избори“,
рече Василевска, но, сепак, посочи дека дискусијата ѝ е реторичка.
Таа го изнесе предлогот во дискусија со Калевска околу проблемите со кои се соочува парламентарното мнозинство при обезбедувањето кворум, за што придонесува и опозицијата со неприсуство на седниците.
Василевска потсети на Шарената револуција и на бојкотот на СДСМ на Собранието по изборите во 2014 година.
Калевска, пак, рече дека мандатот го даваат граѓаните.
„Проблемот е што вие немате став. Не знаете каде терате. Ако сте во парламент и постојано барате да има дискусија, би било логично да учествувате во работата“,
рече Калевска.