Шефот на дипломатијата, кој денеска е во официјална посета на Египет, рече дека не само Северена Македонија туку и регионот на Западен Балкан е историски, културно, географски, економски и политички дел од Европа и еден ден мора да биде дел од Европската Унија
Постојат амплитуди во расположението на граѓаните во врска со членството на земјата во Европската Унија и тоа е повеќе поради фрустрација од процесот, но нема дилеми ниту меѓу граѓаните, ниту меѓу политичките елити дека ЕУ е единствена алтернатива за С Македонија и за целиот регион.
Ова денеска го истакна шефот на македонската дипломатија, Бујар Османи одговарајќи на новинарско прашање на заедничката прес-конференција со својот египетски колега, за растечкиот евроскептицизам во земјите до Западен Балкан меѓу кои и во С Македонија.
Османи, кој денеска е во официјална посета на Египет, рече дека не само Северена Македонија туку и регионот на Западен Балкан е историски, културно, географски, економски и политички дел од Европа и еден ден мора да биде дел од Европската Унија.
„Западен Балкан каде што се наоѓа С Македонија е во срцето на Европската Унија. Опкружени сме со земји-членки на ЕУ, имаме заеднички политики со ЕУ, нашатат економија е целосно интегрирана со Европската Унија и станува збор за консензуална одлука на нашиот народ во изминатите 30 години дека единствена алтернатива на регионот е целосна интеграција во ЕУ. Секако дека има аплитуди во расположението на граѓаните, но тоа е повеќе поради фрустрацијата што ја чустувваме во текот на процесот од долгото патување отколку за некакви дилеми меѓу нашиот народ дека ова е нашата судбина. Нема дилема меѓу нашите граѓаните, нема дилема меѓу политичките елити ниту во С Македонија, ниту во останатите земји од Западне Балкан дека ЕУ е единствената алтернатива за целиот регион и дека проектот ЕУ ќе биде целосно завршен кога Западен Балкан ќе биде дел од Унијата“,
истакна Османи.
Економската соработка, интензивирање на дијалогот на високо политичко ниво и партнерството на Египет во споведувањето на медитеранската агенда на ОБСЕ, со која С Македонија ќе претседава следната година биле во фокусот на разговорите меѓу шефот на македонската дипломатија, Бујар Османи и неговиот египетска колега Самех Хасан Шукри Селим, за време на денешната официјална посета на Османи на Каиро.
Ова Османи го соопшти на заедничката прес-конференција со својот египетски колега. Тој истакна дека на состанокот двајцата министри ја реафирмирале искрената посветеност на натамошно зајакнување и унапредување на можностите што постојат пред двете земји.
Како клучен чекор во оваа насока, тој го посочи воспоставувањето на диреткна врска меѓу стопанските комори на двете земји за подобра бизнис комуникација и воспоставување на директен лет меѓу двете земји за, како што подвлече Османи, директна соработка меѓу луѓето.
На средбата станало збор и за партнерството на Египет во спроведувањето на медитеранската агенда на ОБСЕ и земја на која, како што рече Османи, можеме да се потпреме околу актуелните и иднитите безбедносни предизивици на глобално ниво.