Според пишувањето на медиумите, наставничката била активна во група против вакцинација, која неодамна упадна во студиото среде емисија, барајќи прекин на „пропагандата“ на владината кампања за вакцинација, а во видео на Фејсбук ги убедувала родителите да не ги испраќаат своите деца во „режимски и фашистички училишта“
Од регионот Словенија во последниве денови воведе најригорозни мерки, кои иницираа протести, а на некои дојде и до судири со полицијата
На наставничка во основно училиште во Марибор и е врачен отказ, бидејќи одбила да се тестира или да вакцинира против ковид-19, што е прв ваков случај откако Владата во Љубљана ги заостри анти-епидемиските мерки поради ширењето на вирусот, пишуваат словенечките медиуми денеска, пренесе нова.рс.
На наставничката претходно и е одредена привремена забрана за работа од почетокот на учебната година, бидејќи одбила да се тестира еднаш неделно и не носела маска во училницата, што е обврска пропишана од Министерството за образование.
Таа има право на жалба на одлуката за престанок на работниот однос во рок од две недели.
Според пишувањето на медиумите, наставничката била активна во група против вакцинација, која неодамна упадна во студиото среде емисија, барајќи прекин на „пропагандата“ на владината кампања за вакцинација, а во видео на Фејсбук ги убедувала родителите да не ги испраќаат своите деца во „режимски и фашистички училишта“.
Директорката на училиштето, Катја Прегл, за мариборскиот весник „Вечер“ изјави дека наставничката е отпуштена поради кршење на работните обврски, со оглед на тоа што одбила да носи маска во затворени простории и не ги исполнува таканаречените услови за ДСП (болни, вакцинирани, тестирани) што е задолжително за вработените во училиштето да можат да работат.
Словенечкиот министер за здравство Јанез Поклукар изјави денеска дека условот ДСП поставен од владата со ограничувања веќе „дава резултати“, бидејќи бројот на новозаразени лица стагнира во последните денови.
Од регионот Словенија во последниве денови воведе најригорозни мерки, кои иницираа протести, а на некои дојде и до судири со полицијата.