Народната банка ги повикува сите субјекти да ги почитуваат нејзината самостојност и независност, а одлуките кои го носи да не се ставаат во политички контексти.
„Народната банка е институција со уставно и законски гарантирана самостојност и независност, којашто при остварување на своите законски утврдени цели и задачи се води исклучиво од законите, притоа штитејќи го интересот на граѓаните„
се вели во соопштението од Кабинетот на гувернерката на Народната банка.
Од институцијата нагласуваат дека независноста и професионалноста во остварувањето на целите и задачите на Народната банка е она што со години наназад ги гарантира одржувањето на стабилноста на денарот, банкарскиот систем, односно финансиската и севкупната макроекономска стабилност.