Британската агенција за поморски трговски операции (UKMTO) соопшти дека добила извештај за инцидент велејќи дека капетанот на танкерот пријавил дека бил погоден од непознат проектил, што предизвикало пожар на бродот, кој екипажот го гаснел. Агенцијата соопшти дека нема пријавени жртви или влијание врз животната средина
Јеменските Хути, поддржани од Иран, соопштија дека извршиле воена операција насочена кон два саудиски танкери за нафта, а извештаите за поморска безбедност велат дека еден од бродовите именувани од групата, танкерот со саудиско знаме „Енцелија“, бил погоден во Црвеното Море, пишува Си-ен-ен.
Во објавата од Хутите се вели дека со повеќе балистички и крстосувачки ракети ги погодиле танкерите „Енцелија“ и „Лајла“ и се додава дека бродовите ја прекршиле поморската блокада наметната врз Саудиска Арабија.
Following reports that the Yemeni Houthis struck a Saudi tanker 70nm west of Al-Shuqaiq, Saudi Arabia, the Houthi military spokesperson has said that they in fact struck two tankers, LAYLA and ENCELIA, for violating he Houthis’ self-imposed blockade of vessels traveling to and… pic.twitter.com/Jw74DfILeo
— OSINTdefender (@sentdefender) July 22, 2026
Извор од поморската безбедност вели дека танкерот „Енцелија“ испратил повик за помош, известувајќи дека бил погоден од ракета додека работел на надворешните граници на саудиското пристаниште Џизан во Црвеното Море и дека гори.
BREAKING: A Saudi oil tanker is on fire after being struck by the Houthis approximately 70 km north of the Yemeni border, according to UKMTO.
— The Hormuz Report (@HormuzReport) July 23, 2026
The vessel had departed from Yanbu before the reported attack. The Yemeni Houthis later said "large-scale operations are underway."… pic.twitter.com/RcUrtPA46X
Британската група за управување со поморски ризици „Вангард“ соопшти дека саудискиот танкер „Енцелија“ бил погоден од непозната ракета околу 70 наутички милји југозападно од Ал Шукаик во Саудиска Арабија.
Британската агенција за поморски трговски операции (UKMTO) соопшти дека добила извештај за инцидент велејќи дека капетанот на танкерот пријавил дека бил погоден од непознат проектил, што предизвикало пожар на бродот, кој екипажот го гаснел. Агенцијата соопшти дека нема пријавени жртви или влијание врз животната средина.
UKMTO WARNING 095-26
— UKMTO Operations Centre (@UK_MTO) July 22, 2026
Click here to view the full report ⤵️https://t.co/x8HDIFOC10#MaritimeSecurity #MarSec pic.twitter.com/DKXZOYVA4g
Во извештајот од Агенцијата не е јасно дали тој се однесува на „Енцелија“, иако локацијата и деталите се совпаѓаат со извештајот на „Вангард“ кои велат дека Хутите наводно ја презеле одговорноста за нападот и дека погодиле и втор брод, „Лајла“.
Хутите во понеделникот рекоа дека воведуваат поморска блокада врз Саудиска Арабија во Црвеното Море, потег што се заканува да ги наруши глобалните снабдувања со енергија надвор од Заливот.
Тие додаваат дека принудиле околу 10 бродови да се повлечат и да се вратат откако ги предупредиле да не пловат кон саудиските пристаништа.
Податоците за следење бродови покажуваат дека вчера пет танкери го смениле курсот во Црвеното Море, при што два го сигнализирале Суецкиот канал како нивна нова дестинација.
Според новинската агенција Ројтерс, портпаролот на војската на Хутите, Јахја Сари, вели дека тие ќе „продолжат со своите поморски операции“ против Саудиска Арабија и „ќе истраат во спроведувањето на равенката „опсада за опсада“.