Во објектот каде што избувна пожарот биле сместени работници. Областа каде што е лоцирана зградата е населена со работници од странство, но засега нема информација за националноста на загинатите
Најмалку 41 лице загина во пожар во зграда во градот Мангаф на југот на Кувајт. Во објектот биле сместени работници. Областа каде што е лоцирана зградата во која избувна пожар е населена со работници од странство, но засега нема информација за националноста на загинатите.
За време на посетата на местото на несреќата, вицепремиерот и министер кој раководи со ресорите обрана и внатрешни работи, шеик Фахад Јусуф Сауд Ал-Сабах, ги обвини сопствениците на објектот за прекршоци за кои рече дека придонеле за избувнување на пожарот.
„За жал, алчноста на сопствениците на имот е она што води до овие работи“,
рече Фахад, кој раководи со министерствата за внатрешни работи и за одбрана.
Пожарот бил пријавен кај властите во 6 часот по локално време.
„Зградата каде што избувна пожарот се користеше за сместување работници. Десетици беа спасени, но за жал многумина починаа од вдишување чад“,
изјави друг висок полициски командант за државната телевизија.
Пожарот е под контрола, а властите ги истражуваат причините за несреќата.