Канцеларката го критикуваше можното зголемувањето на данокот, најавено од социјалдемократскиот кандидат, што, според неа, може да ги натера германските компании да се преселат во Австрија или во Холандија
Германската канцеларка Ангела Меркел ги повика граѓаните да гласаат за Армин Лашет, конзервативниот кандидат на нејзината ЦДУ, за да ја одржат Германија стабилна. Пораката е испратена два дена пред одржувањето на парламентарните избори на кои се бира нејзин наследник.
„За Германија да остане стабилна, Армин Лашет мора да биде федерален канцелар“,
рече Меркел, на митингот на нејзината партија во Минхен, пред изборите в недела, пренесува МИА.
Таа посочи и на можен развој на настаните доколку победи социјалдемократот, Олаф Шолц, кој води на анкетите.
„Можете ли да замислите црвено-црвена -зелена влада“,
ги праша претставниците на ЦДУ и на ЦСУ, собрани во Минхен на последниот митинг од кампањата.
Канцеларката го критикуваше можното зголемувањето на данокот, најавено од социјалдемократскиот кандидат, што, според неа, може да ги натера германските компании да се преселат во Австрија или во Холандија.
„Тоа не е наша политика“,
нагласи Меркел, додавајќи дека претпочита „политика што им овозможува на компаниите да останат во земјата и тука да отворат работни места, за да напредува Германија.“