Во пет болници во државата се хоспитализирани 461 пациент позитивен или суспектен на ковид-19, покажува денешниот извештај на Министерството за здравство.
Најмногу се хоспитализирани на Инфективната клиника во Скопје – 95. Од нив на кислородна поддршка се 63, а на механичка вентилација нема ниту еден пациент.
Во Градската општа болница „8 Септември“, пак, има 40 пациенти од кои еден е на респиратор.
Пациенти со ковид во Скопје се хоспитализирани и во болницата во Козле. Таму има 8 деца и 9 мајки позитивни на вирусот, како и едно дете и две мајки кои се суспектни.
Од болниците надвор од главниот град, 50 се во Штип, а 40 во Битола.
На инфективните одделенија во Тетово, Охрид, Велес, Куманово, Прилеп, Гостивар, Струмица, Струга и Кочани, пак, се хоспитализирани 216, позитивни и сомнителни на Ковид-19.