Од Министерството посочија дека податоците за квалитетот на воздухот во Тетово не се видливи на веб-страницата поради технички проблеми со главниот сервер
Министерството за животна средина и просторно планирање (МЖСПП) денеска објави дека редовно ќе ги следи и објавува податоците од мониторинг станицата за квалитет на амбиенталниот воздух во Тетово, по вчерашниот пожар во поранешната фабрика „Македонија табак“ во Тетово.
Од Министерството воедно посочија дека податоците за квалитетот на воздухот во Тетово не се видливи на веб-страницата поради технички проблеми со главниот сервер.
„Истите, МЖСПП редовно ги објавуваше, на секој час, во текот на попладневите и вечерните часови, а почнуваќи од 6 часот наутро се објавуваат и ќе бидат објавувани и во текот на денешниот ден“,
информираат од Министерството.
Во соопштението, од МЖСПП посочуваат дека податоците се достапни на веб-страницата и на официјалниот Фејсбук профил на Министерството.
„Во моментот се забележува сосемо мало покачување на одредени параметри и нема место за паника“,
наведуваат од МЖСПП.