До Министерството за внатрешни работи досега не е пристигната пријава за казино во Дојран во кое наводно се издаваат фалсификувани ковид-сертификати, потврдуваат оттаму за „360 степени“.
„Досега МВР нема добиено пријава за ова, но ќе бидат извршени проверки во врска со наведеното“,
додаваат од МВР.
Претходно грчката телевизија Опен објави сторија во која се тврди дека казино во близина на граничниот премин Дојран-Дојрани на македонска територија им обезбедува лажен негативен тест на посетителите, за тие да можат да се вратат во Грција.
Според овие информации, станувало збор за лажни потврди за брз антигенски тест, и тоа издадени од овластен дијагностички центар, но засега за ова нема информации од надлежните институции во земјава.