Според протоколот за влез, сите граѓани што патуваат кон Грција треба да поседуваат негативен ПЦР-тест не постар од 72 часа или сертификат за примени две дози вакцини (14 денови поминати од втората доза)
Министерството за внатрешни работи попладнево добило известување од грчките гранични служби дека од 13 часот е дозволен влез преку граничниот премин „Евзони“ за сите државјани на ЕУ, на трети земји, како и на македонските државјани што ги исполнуваат условите за влез во Грција.
Според протоколот за влез, сите граѓани што патуваат кон Грција треба да поседуваат негативен ПЦР-тест не постар од 72 часа или сертификат за примени две дози вакцини (14 дена поминати од втората доза вакцина). Признаени ќе бидат сите сертификати за извршена вакцинација, додека за деца до 5 години не е потребен ПЦР-тест.
Исто така, останува обврската за електронска пријава на интернет-страницата www.travel.gov.gr (еден ден пред патување) за обезбедување на ПЛФ (Passenger Locator form) документ.