САД и Шпанија се последните земји кои се запишаа на листата од 30-тина кои досега ја регистрираа мутацијата на коронавирусот која се појави во Јужна Африка.
Јужноафриканскиот сој во САД го откриле здравствените власти во Јужна Каролина. Тој е детектиран кај две лица кои меѓусебно не се поврзани. Ниту еден од нив не кажал дека патувал во последно време.
Американскиот Центар за контрола и превенција на болести (ЦДЦ) соопшти дека појавата на новиот заразен вид на коронавирус ја нагласува потребата од брза вакцинација за да се намали можноста вирусот да продолжи да мутира.
Во Шпанија, пак, првиот случај се појавил во Галиција. Станува збор за маж кој неодамна се вратил од патување од Јужна Африка.