Министерството за надворешни работи соопшти дека во соработка со Генералниот секретаријат на Владата и Министерството за здравство, денеска во земјава се вратени 118 македонски граѓани од Ла Валета, Малта, а во попладневните часови ќе пристигнат и наши граѓани од Загреб.
Репатријацијата беше организирана со летови на авиопревозникот „Визер“, кој за овие две дестинации на јавниот повик од Владата понуди најниска цена за авиобилетите.
Од МНР потсетуваат дека граѓаните се обврзани сами да ги покријат трошоците за авиопревозот, додека задолжителниот 15-дневен карантин, кој беше еден од условите за нивно враќање, е на товар на државата.
Воедно, повикувајќи се на принципите на солидарност и во духот на добрата регионална соработка, на овие летови ќе бидат превезени и девет странски државјани – по четворица од Хрватска и од Црна Гора и еден од Косово.
*Поврзана вест
Утре со првите два хуманитарни лета, 373 наши државјани се враќаат дома
