Лидерот на ВМРО-ДПМНЕ вели за Телма дека треба да се разгледа и документот на Венецијанската комисија, според кој треба да поминат 60 дена од завршување на вонредна состојба до избори, наспроти ставот на Дескоска дека нема таква препорака за Македонија
Лидерот на ВМРО-ДПМНЕ изјави денеска за Телма дека за ВМРО-ДПМНЕ прв и основен принцип е здравјето на граѓаните, а дури потоа изборите и тоа е позицијата со која ќе настапи на лидерската средба во вторник.
Коментирајќи го предлогот на лидерот на СДСМ изборите да се одржат кон средината на јуни, Мицкоски рече дека тоа дали ќе работеле или не кафулињата не е критериум за одредување на изборниот датум.
„Треба да бидеме над ситуацијата, да бидеме сериозни и да видиме дали како држава сме споособни да организираме фер и демократски избори , а притоа да не биде загрозено здравјето на граѓаните. Прв и основен принцип со кој е настапиме на лидерската средба е дека здравјето на граѓаните е приорите, а потао може да разговараме и за избори,“
рече Мицкоски.
Околу датумот што го преферира ВМРО-ДПМНЕ за одржување на изборите, Мицкоски рече дека одбива да рзговарам на таа тема како на зелен пазар, туку дека прво сака да го слушне мислењето на лекарите и стручњаците.
„Сакам да ги слушнам експерите, лекарите, да го слушнам претседателот на ДИК да каже колку денови му се потребни. Ќе настапиме со принципиелни ставови на лидерската средба. Сакаме избори во летото, ни треба нова власт која ќе знае да се справи со последиците од здравствената криза, ама основен приоритет е здравјето на граѓаните“,
рече Мицкоски за Телма.
Мицкоски рече дека треба да се разгледа и документот на Венецијанската комисија, според кој треба да поминат 60 дена од завршување на вонредна состојба до одржување избори. Наспроти тоа, министерката за правда Рената Тренеска Дескоска, која е членка на Венецијанската комисија, изјави деновиве дека не е точно дека ова тело на Советот на Европа препорачува такво ограничување во однос на вонредната состојба и изборите.