Лидерот на ВМРО-ДПМНЕ вели дека излегува од цитокинска бура и дека кога ќе завршат неговите маки, ќе почнат маките на Владата поради вакцините
Лидерот на ВМРО-ДПМНЕ, Христијан Мицкоски, во статус на Фејсбук, објави дека поминаа 13 дена откако е ковид-позитивен и дека денеска му е прво утро без температура. Излегувам вели од цитокинска бура (една од потешките компликации од ковид-19, која предизвикува претерана реакција на имунолошкиот систем н.з.),
Тој му се заблагодари на персоналот на Инфективната клиника при Клиничкиот центар, каде што е хоспитализиран, а на политичките противници им порача дека откако ќе поминат неговите здравствени маки ќе почнат маките на Владата поради, како што вели, ова неодговорност и неспособност за набавка на вакцини.
„Жално и трагично е што сѐ уште не е почнат процесот на вакцинација, бидејќи без тоа нема решение, а очигледно за него ќе чекаме уште многу. Ќе помине и мојата здравствена мака, ама ќе започне маката на Владата заради оваа неодговорност и неспособност за набавка на вакцини. Не е време за циркус со шпиунски игри, треба сериозни луѓе на вистински места што знаат како. Ако на времето беше смешно кога ќе слушневме дека блескаме, денес е трагично бидејќи блескаме поради срамот, простотилукот, неспособноста на власта“,
наведува Мицкоски.