Покрај увозот на струја во вредност од 23 милиони евра, Мицкоски кажа дека Владата наприла и нов тендер за првите четири дена од декември кој би чинел некаде околу осум милиони евра за увоз на електрична енергија
За 23 дена во ноември Владата направи увоз на електрична енергија во вредност од 23 милиони евра, изјави претседателот на опозициската ВМРО-ДПМНЕ, Христијан Мицкоски за време на посетата во Кавадарци коментирајќи го домашното производство и увозот на струја кој го прави ЕСМ, а за кој компанијата секојдневно информира преку писмени соопштенија.
„Започнаа во ноември да увезуваат струја за потребите на граѓаните, не за индустријата, за потребите на граѓаните, оние кои што се снабдувани од ЕВН ‘хоум’ за кои што велеше државата дека комплетно домашно производство ќе ги снабди со електрична енергија. Тие не успеа и затоа од 7 ноември до 30 ноември, за 23 дена увезоа електрична енергија во вредност од 23 милиони евра. Значи секој ден увезуваа по еден милион евра електрична енергија, пари платени од граѓаните. За 23 дена 23 милиони евра“,
рече Мицкоски.
Покрај увозот на струја во вредност од 23 милиони евра, Мицкоски кажа дека Владата направила и нов тендер за првите четири дена од декември кој би чинел некаде околу осум милиони евра за увоз на електрична енергија.
Опозицискиот лидер меѓу другото нагласи дека власта најавувала оти целосните потреби на граѓаните ќе бидат задоволени од домашно производство и дека нема да се увезува струја, но, според него, тоа не е случај.
Мицкоски уште еднаш повика на одржување предвремени парламентарни избори, порачувајќи му на премиерот Димитар Ковачевски дека „ако е толку храбар, има начин тоа да го манифестира“.
„Да одиме на предвремени парламентарни избори, па народот да даде оценка“,
додаде лидерот на ВМРО-ДПМНЕ.