Лидерот на ВМРО-ДПМНЕ го спореди пратеникот на Беса, Кастриот Реџепи со починатиот Амди Бајрам кој своевремено оневозможи да ѝ се изгласа недоверба на некогашната влада на ВМРО-ДПМНЕ, Демократската алтернатива и ДПА
Откако опозицијата не успеа да обезбеди кворум за седницата за гласање недоверба на Владата и остана без пратеникот Кастриот Реџепи од Беса, лидерот на ВМРО-ДПМНЕ пристигна во Собранието.
Тој не сакаше да коментира пред медиуми многу околу случувањата.
„Досега бев на часови на факултет“,
рече Мицкоски и додаде дека сака на самото место да дознае што се случило.
На прашање од ТВ 21 дали ќе се најде друг пратеник на местото на Кастриот Реџепи, кој се премисли, Мицкоски само го спореди пратеникот со Амди Бајрам, кој своевремено оневозможи да ѝ се изгласа недоверба на некогашната влада на ВМРО-ДПМНЕ, Демократската алтернатива и ДПА.
„За современиот, нека му е лесна земја, Амди Бајрам?“,
рече Мицкоски.