Опозицискиот лидер Венко Филипче вчеравечер во емисијата „Дикретно“ на Телма рече дека со предложениот закон за ветинг би биле опфатени сите функционери, вклучително и тој самиот, како и поранешни и актуелни функционери од СДСМ и ВМРО-ДПМНЕ. Во процесот, како што посочи, би биле вклучени и странски експерти
Нека има предлог-закон за ветинг, никој не го спори тоа – рече денеска премиерот Хриситјан Мицкоски, коментирајќи ја вчерашната изјава на лидерот на опозицискиот СДСМ, Венко Филипче, кој кажа дека дел од мастерпланот на неговата партија е специјален закон за ветинг за сите актуелни и поранешни функционери.
Мицкоски вели дека Управата за јавни приходи (УЈП) има алатки за да направи ветинг уште веднаш, но дека политичарите од опозицијата може да отидат и на полиграф за, како што вели, да кажат колку и како краделе.
„УЈП има алатки и може да направи ветинг, да провери како се стекнува со златни визи во егзотични дестинации како Дубаи, колкав влог треба за да се стекнете со таква виза, како се ужива на скапи јахти на егејското крајбрежје итн. Управата за јавни приходи може да провери и како политичари возат скапи автомобили – сопственост на фирми кои добивале тендери за јаглен, па како средствата се уплаќани на фирми во Бугарија итн. Еве, нека биде ова еден сам почеток на процесот на ветинг. Дури може и на полиграф да се отиде, па таму секој од политичарите да каже колку крадел, како крадел, од овие од опозицијата, се разбира“,
рече Мицкоски.
Опозицискиот лидер Венко Филипче вчеравечер во емисијата „Дикретно“ на Телма рече дека со предложениот закон за ветинг би биле опфатени сите функционери, вклучително и тој самиот, како и поранешни и актуелни функционери од СДСМ и ВМРО-ДПМНЕ. Во процесот, како што посочи, би биле вклучени и странски експерти.