Лидерот на опозициската ВМРО-ДПМНЕ, Христијан Мицкоски, на Фејсбук објави дека се наоѓа во кочанското село Тркање и оти огнот е над селото.
„Народот се самоорганизира против стравотниот пожар, потребна е помош, ова е жалната слика вечерва. Се даваат натчовечки напори за локализирање на стихијата“,
напиша тој.
Мицкоски на Фејсбук вечерва постојано објавува статуси во кои критикува и вели дека е потребна итна реакција од власта зашто, како што вели, народот бара помош.
„Алармантно! Кочани цел ден се бори со огнена стихија, итно целосен фокус на Владата која во моментот сама слави на Мечкин Камен. Итно да им се помогне на луѓето. Ова е реалниот живот, битка со огнена стихија и неспособната влада! Имаше хеликоптер за пат од Скопје до Прилеп за Заев и Венко, а сега нема…“,
напиша попладнево Мицкоски.