Мицкоски најави нова инвестиција: Германска компанија ќе произведува литиумски батерии, можност за 700 вработувања

Според него, со завршувањето на оваа инвестиција ќе биде зголемен извозот, а со тоа ќе биде намалена разликата, односно дефицитот меѓу извозот и увозот и на тој начин ќе се зголемува бруто-домашниот производ

Веќе утре ќе имаме поставување на нов камен-темелник на компанија која доаѓа од Германија, каде што ќе се произведуваат литиумски батерии. Ова денеска го најави премиерот Христијан Мицкоски по посетата на доградбата на детската градинка во Општината Илинден, при што посочи дека новата инвестиција доаѓа после двомесечна работа на отстранување на недостатоците.

„Инвестицијата е околу 60-65 милиони евра. А ќе има околу 700 нови вработувања“,

рече тој.

Според него, со завршувањето на оваа инвестиција ќе биде зголемен извозот, а со тоа ќе биде намалена разликата, односно дефицитот меѓу извозот и увозот и на тој начин ќе се зголемува бруто-домашниот производ.

Мицкоски најави нова инвестиција: „Вабтек“ ќе прави сопирачки за шински возила, можност за повеќе од 100 вработувања

Во јули премиерот најави дека американската компанија „Вабтек“ ќе инвестира во Македонија, а претходно ги презентираше инвестициите на „Алказар енерџи“ и на „Епсотек“.

„Алказар енерџи“ ја најави инвестицијата ветерен парк: Ја гледаме Северна Македонија како перспективна локација за инвестирање во обновлива енергија