Понудивме многу работи како решенија за ковид-кризата, но односот на власта е ингорантски и бевме одбиени, вели лидерот на опзициската ВМРО-ДПМНЕ, Христијан Мицкоски.
Тој рече дека е разочаран и лут на здравствените власти, особено што и неговото семејство почувствувало колку тешко е справувањето со ковид.
„Многу сум разочаран, а воедно и лут за сето ова кое што се случува денеска во нашава држава. Зошто? Затоа што најпрвин јас тоа го почуствував на моето семејство и знам точно како и со што се справуваа моите родители, мојата мајка, мојот татко. За среќа и двајцата ја поминаа, едниот потешко, а другиот полесно. Но фала му на бога и двајцата ја преживеаја оваа би рекол тешка пандемична ситуација која што се случува во Македонија“,
рече Мицкоски во гостување на Сител.
Тој смета дека потребно е итно формирање на ковид-комисија во која ќе членуваат лекари-експерти и нивната задача да биде фокусирана на мерки и решенија во справувањето со здравствената криза.
„Ние како опозиција понудивме многу работи, а односот од страна на владата беше игнорантски и онака буквално брутално бевме одбиени. Еве последно што понудивме беше да се формира ковид-комисија. Како по принципот на многу држави во регионот кои што формираа една таква ковид-комисија која што е најповикана да предложи мерки и стратегија како да се справиме со пандемијата. Но, бевме одбиени“,
рече Мицкоски.
Според него, потребно е да се формира и експертска Влада која подобро ќе се справува со ковид-кризата и додаде дека тој не се жали од медицинскиот пероснал, туку смета дека здравствнеите власти се тие кои потфрлија во борбата против ковид-19.
„Луѓето чекаат за медицинска нега по ходиници или наидуваат на празни ходници веројатно зошто луѓето се на интервенции кај пациентите. Менаџмент со здравствените институции нема, нема кревети, нема медицински лица доволно“,
додаде Мицкоски.