Тој демантираше дека партнер ќе му биде Љупчо Палевски и дека неговата телевизија ќе се определува и ќе одработува за некого политички
Вистел или вистинска телевизија ќе се вика телевизијата формирана од фирмата „Преобразба“, чиј сопственик е митрополитот Петар, а која доби дозвола за работа и од 1 мај, откри владиката во вечерашната „Топ тема“ на телевизија Телма.
„Нашата телевизија не е свештеничка телевизија, 50 отсто ќе има забавен карактер, 30 отсто ќе има образовен и документарен карактер. Во образовниот дел имаме ли цркви, манастири кои се распаѓаат, а се под заштита како споменици на културата? Треба ли да ги заштитиме?“,
рече Петар.
Во однос на тоа кој ќе ја финансира неговата телевизија, тој одговори остро:
„Тоа да не го интересира никого, бидејќи ни мене не ме интересира кој вас ве финансира. Луѓето свој леб јадат, туѓо гајле берат. Оставете го гајлето на нас. Чисти пари се, не се перени, ниту ќе дозволиме такво нешто“,
беше дециден владиката.
Тој демантираше дека партнер ќе му биде Љупчо Палевски и дека неговата телевизија ќе се определува и ќе одработува за некого политички.