Меркел рекла дека во 2021 година, заедно со францускиот претседател Емануел Макрон, сакала да го покани Путин на разговорите што требале да се одржат во рамките на Европскиот совет
Поранешната германска канцеларка Ангела Меркел во интервју за „Шпигел“ потврдила дека имала намера да организира преговори со Владимир Путин една година пред почетокот на руската инвазија на Украина. Сепак, таа се откажала од идејата бидејќи не гледала можност да влијае на рускиот претседател на крајот на нејзиниот мандат.
Меркел рекла дека во 2021 година, заедно со францускиот претседател Емануел Макрон, сакала да го покани Путин на разговорите што требале да се одржат во рамките на Европскиот совет.
„Но, веќе немав сила да ја протуркам идејата бидејќи сите знаеја дека заминувам на есен“,
рекла таа, пренесува Ројтерс.
Меркел се повлече од политиката по германските избори во септември 2021 година, по 16 години на власт. Во декември таа официјално му ја предаде канцеларската функција на Олаф Шолц од Социјалдемократската партија. Во интервјуто таа се осврнала и на нејзината проштална посета на Москва во август минатата година.
„Чувството беше многу јасно во однос на политиката на моќ – завршив, за Путин, само моќта е важна“,
рекла Меркел.
Таа признала дека нејзината влада не постигнала задоволителен напредок не само во Украина, туку и во конфликтите во Молдавија, Грузија, Сирија и Либија. Меркел заклучила дека е време Германија да го промени својот надворешно-политички пристап.
Фото: EPA-EFE/SPUTNIK / KREMLIN