Републиканците веќе ветија дека ќе започнат истраги за семејните бизнис зделки на американскиот претседател Џо Бајден, како и за неговата администрација
Пратеникот Кевин Мекарти конечно е избран за претседател на Претставничкиот дом на американскиот Конгрес, по повеќедневни преговори и 15 круга гласање.
Неговиот избор уследи по хаотичната ноќ во Претставничкиот дом, вклучително и конфронтацијата меѓу Мекарти и пратеникот Мет Гаец за време на 14. круг на гласање.
Ова е најдолгиот избор на спикер и покрај тоа што Републиканците имаат мнозинство. Тие претходно се согласија да го номинираат Мекарти, но неговиот пат до претседателската функција беше неизвесен откако група републиканци се заканија дека ќе ја блокираат неговата кандидатура, но шестмината бунтовници попуштија.
„Се надевам дека по оваа недела едно работа е јасна – никогаш нема да се откажам. И никогаш нема да се откажам за американскиот народ“,
напиша Мекарти на твитер по изборот.
I hope one thing is clear after this week: I will never give up. And I will never give up for you, the American people. https://t.co/uLqPKa1maZ
— Kevin McCarthy (@GOPLeader) January 7, 2023
Претседателот Џо Бајден му ja честиташе победата на Мекарти и рече дека со нетрпение очекува да соработува со Републиканската партија.
„Американскиот народ очекува нивните лидери да владеат на начин што ќе ги ставаат нивните потреби над сè друго, и тоа е она што треба да го направиме сега“,
вели Бајден.
Републиканците веќе ветија дека ќе започнат истраги за семејните бизнис зделки на Бајден, како и за неговата администрација.