Акцијата се спроведува под името „Соко-сенкс“ и во рамките на неа 3 000 припадници на безбедносните служби извршиле претрес на 137 предмети во сопственост на 52 осомничени, додека 25 од нив се уапсени, пренесува германски „Билд“
Сојузната канцеларија на криминалистичка полиција БКА, придружувана од специјалните единици на германската полиција ГСГ-9 и СЕК, започна полициска операција на рации и апсења на неонацисти низ цела Германија.
Акцијата се спроведува под името „Соко-сенкс“ и во рамките на неа 3 000 припадници на безбедносните служби извршиле претрес на 137 предмети во сопственост на 52 осомничени, додека 25 од нив се уапсени, пренесува германски „Билд“.
Акцијата започнала во шест часот наутро со претрес на куќи во берлинскиот станбен кварт Ванзе. Акциите се започнати на координиран начин во Бад Лобенштајн, Баден-Виртемберг, Саксонија, Баварија, Хесен, Долна Саксонија, но и во соседна Австрија – Кицбил и Перуџа во Италија.
Како што пренесува „Билд“, мрежата е формирана околу принцот Хајнрих, кој е класифициран како безбедносна закана, како и поранешната пратеничка на АФД и берлинска судијка Биргит М.В.
Меѓу уапсените е и рускиот државјанин Виталиј Б.
Сè започнало кога истражителите влегле во трага на тајна организација во Хесен, кога во август 2022 година до властите било пријавено постоење на тајна „антиуставна група“.
„Обвинетите припаѓаат на терористичка организација основана на крајот на ноември 2021 година, која имаше за цел да го урне постојниот државен поредок во Германија и да го замени со нов облик на владеење“,
објави сојузниот државен обвинител.
Наводно, тајната група верувала дека самиот чин на насилство е многу важен и е неопходен за да се промени системот на сите нивоа на власт.
Она што е интересно е дека меѓу заговорниците бил и припадник на специјалната германска воена единица КСК, а тоа го открила воената контраразузнавачка служба.
Како што пренесува „Билд“, станува збор за луѓе кои имале влијателни позиции во општеството и имале силни социјални и финансиски врски. Меѓу ти што требало да учествуваат во овој пуч имало и поранешни војници на Бундесверот, а како што пренесува „Билд“, некои од нив набавиле и оружје.
Фото: EPA-EFE/SDMG/KOHLS