Во изминатото деноноќие 251 тест за ковид-19 од вкупно 622, се направени во рамки на скринингот што го спроведуваат здравствените власти.
Од тие 251, 250 биле негативни, а еден позитивен. Случајот е детектиран, како што информираа од Министерството за здравство, во геронтолошка установа во Скопје.
Досега преку скрининг направени се вкупно 2 680 тестирања за ковид-19. Покрај денешниот, претходно беа регистрирани и два други случаи, во градинки во Скопје и во Битола.
Инаку, покрај едниот позитивен случај, во рамки на скринингот во последните 24 часа, надлежните регистрираа и 24 новозаразени, тројца починати пациенти и 17 оздравени.
За еден позитивен случај во геронтолошка установа во главниот град здравствените власти информираа и изминатите денови, но вчера Министерството за здравство соопшти дека е направен технички превид и дека всушност таа вработена била негативна на тестот.