Во писмото, ексградоначалникот на Чаир вели: „Со намера да не создадам забуна кај ниту еден мој колега во Собранието, а воедно и да дадам простор за промовирање на моите ставови зад кои силно стојам, Ве известувам дека се повлекувам од позицијата координатор на пратеничката група на ДУИ“
Сега екскоординаторот на пратеничката група на ДУИ, Меџити мошне ретко се појавуваше во парламентот во последните неколку месеци, додека собраниското мнозинство „кубури“ со кворум за одржување на пленарните седници
Изминатиов период често се зборува за превирањата во ДУИ, главно конфликт меѓу струите во скопската организација на партијата и министри од оваа партија
Изет Меџити веќе не е координатор на пратеничката група на ДУИ. За тоа тој денеска преку писмо го известил претседателот на Собранието, Талат Џафери дека се повлекува од функцијата.
Во писмото кое го објави Алсат се вели дека оставката е поради случувањата во како што вели албанската политика и во неговата партија.
„Јас во текот на овие 20 години активен политички живот, секогаш докажував дека сум приврзаник и бранител на двата главни принципи на демократијата: гласот на слободната мисла и силата на гласот на мнозинството на гласачкото тело. Различното мислење е повеќе од здраво за демократско општество, додека силата на гласот на изборното мнозинство е главната одредница за концептуалноста на демократијата на сите нивоа… Од оваа причина, стоејќи достоинствено зад овие веродостојни принципа, се случуваат настани што на никаков начин не можат да бидат во прилог на најголемата политичка сила на Албанците на РСМ, уште поважно, дури ни во прилог на неприкосновениот лидер на Албанците, претседателот г. Али Ахмети. Со намера да не создадам забуна кај ниту еден мој колега во Собранието, а воедно и да дадам простор за промовирање на моите ставови зад кои силно стојам, Ве известувам дека се повлекувам од позицијата координатор на пратеничката група на ДУИ“,
се вели во писмото на Меџити до Џафери.
Меџити на крајот потенцира дека и натаму ги поддржува политиките на Ахмети и на како што вели гласачите на ДУИ.
Најновиот потег на Меџити може да се смета за потврда на превирањата во ДУИ, за кои изминатиот период се зборува во јавноста, односно на конфликтот меѓу струите во скопската организација на партијата и меѓу членови на пратеничката група и министри односно координаторот на пратеничката група на интегративците Изет Меџити и градоначалникот на Сарај, Блерим Беџепи, од една страна, како предводници на скопското крило, и првиот вицепремиер Артан Груби и шефот на дипломатијата Бујар Османи, од друга страна, кои се најистурените министри од оваа партија.
Сега екскоординаторот на пратеничката група на ДУИ, Меџити мошне ретко се појавуваше во парламентот во последните неколку месеци, додека собраниското мнозинство „кубури“ со кворум за одржување на пленарните седници.
На 28 минатиот месец Ахмети по состанокот на Централниот претседателство на ДУИ изјави дека воопшто не станало збор за оставки (на Груби, Османи) туку разговарале за како што рече, принципи, стратегија, за програма, за обврските кои ги очекуваат како влада и рече дека ги разјасниле разликите.