Наспроти нив на контрапротест се собрале симпатизери на крајнодесничарската организација Англиска лига за одбрана. Нивниот собир се одржал во близина на најавената рута на пропалестинските демонстранти
Околу 300 илјади демонстранти се собрале денеска во центарот на Лондон повикувајќи на прекин на огнот во Газа, проценила британската полиција, пренесува Би-Би-Си. Според медиумот, ова е најголемиот пропалестински собир во Велика Британија откако почна војната меѓу Израел и Хамас во Газа. Организаторите, пак, како што пренесува „Гардијан“, објавиле дека вкупно присуствувале околу 800 илјади луѓе.
Демонстрантите носат факели во боите на палестинското знаме и извикуваат „Стоп за бомбардирањето на Газа“.
На протестите се извикувал и слоганот „Од реката до морето, Палестина ќе биде слободна“, кој се однесува на просторот од реката Јордан до Средоземното море, односно на целата територија на Израел. Голем број припадници на еврејската заедница го сметаат овој слоган за навредлив, а тој е впишан и во уставот на Хамас, пишува „Гардијан“.
Наспроти нив на контрапротест се собрале симпатизери на крајнодесничарската организација Англиска лига за одбрана. Нивниот собир се одржал во близина на најавената рута на пропалестинските демонстранти.
Полицијата соопшти дека уапсила 150 учесници на пропалестинскиот собир затоа што користеле пиротехника. Повеќето од нив биле со покриени лица.
Officers have detained a breakaway group of around 150 people from the pro-Palestinian demonstration in Grosvenor Place.
— Metropolitan Police (@metpoliceuk) November 11, 2023
The group were firing fireworks and many are wearing face coverings. Officers are using their Section 60 and 60AA powers to detain and search those involved. pic.twitter.com/4P1yzpFQcD
Исто така, биле уапсени и околу 100 контрадемонстранти, откако тие се судриле со полицијата и извикувале „вие веќе не сте Англичани“.
There is a remembrance event underway at the Cenotaph. Officers have prevented those not involved getting onto Whitehall so it can take place without disruption, as we committed.
— Metropolitan Police (@metpoliceuk) November 11, 2023
They have faced unacceptable violence, including people throwing missiles and a metal barrier.… pic.twitter.com/tHnnKyRrKL
Премиерот на Велика Британија Риши Сунак, со објава на социјалната мрежа „Икс“, ги осуди насилствата.
„Целосно се неприфатливи сцените што ги видовме од Англиската лига за одбрана и и од симпатизерите на Хамас што присуствуваа на националниот марш за Палестина. Овие подли потези на мал број луѓе ги поткопуваат оние што одлучија мирно да ги искажат своите гледишта“,
пишува Сунак.
Remembrance weekend is a time for us to come together as a nation and remember those who fought and died for our freedoms.
— Rishi Sunak (@RishiSunak) November 11, 2023
The unacceptable scenes today disrespect their memory. pic.twitter.com/vVyqSB7oi2
Во Велика Британија денес се одбележуваше викендот за сеќавање на загинатите во војните. Одбележувањето почнало со двеминутна тишина , по повод денот на примирјето во Првата светска војна.
„Викендот на сеќавањето е време кога треба да се обединиме како нација и да се потсетиме на оние што се бореа и загинаа за нашите слободи“,
додава Сунак во реакцијата.
Пропалестински протести имало и во други градови во Велика Британија и во Европа. Седум луѓе биле уапсени во Глазгов во Шкотска. На протестот во Брисел присуствувале околу 21 илјада луѓе, а во Париз околу 16 илјади.