При изборот на компанија поврзана со активности во јавниот сектор, секогаш треба да се побараат релевантни референци, соодветни сертификати, експертиза и искуство во дадената област, порачува Стопанската комора за информатички и комуникациски технологии МАСИТ, по проблемите со веб-страницата на Државната изборна комисија.
„МАСИТ како влијателно тело за сите процеси на дигитализација и транспарентност, а особено како комора која ги застапува ИТ компаниите, укажува дека дигиталните проекти, производи и услуги кои се од општествено, економско и државно значење, независно дали законот тоа го предвидува или не, треба да се договараат и реализираат на максимално транспарентен, објективен и етичен начин, и при тоа, никако не смее да биде изземена комората МАСИТ која е носител, иницијатор и реализатор на дигиталните процеси во земјава“
пишува во соопштението од МАСИТ.
Од МАСИТ дополнуваат дека транспарентноста и интегритетот се клучни за создавање на здрави процеси и квалитетни проекти и сугерираат во дигитални проекти од општествено-национално значење да се користат ресурсите, експертизата и стручните мислења на комората.