Ставовите се различни, но духот беше конструктивен кажа вице-премиерот за европски прашања и секретар за меѓународна соработка на СДСМ, Бојан Маричиќ, по средбата со партиските колеги од ВМРО-ДПМНЕ, ДУИ и Алијанса за Албанците. Темата на разговорите беше францускиот предлот за надминување на спорот со соседна Бугарија, кој би го отворил патот за почеток на пристапни преговори со ЕУ.
„Објаснувавме на долго, на кој начин, кои се механизмите за заштита на нашиот јазик и идентитет и гаранции дека нема да бидеме доведени во било каква положба да прифатиме нешто што би не загрозило тој идентитет. ВМРО-ДПМНЕ изнесе некои ставови кои ние веќе сме ги разговарале и во преговарачкиот процес“,
Во изјавата на Маричиќ имаше и оптимизам дека наскоро ќе има нови средби, дури можеби уште вечерва.
„Мислам дека ако продолжиме со преговори, можеме да се надеваме на некаква поместување во оваа смисла, да имаме можност Собранието да го усвои заеднички (предлогот н.з.). Доколку не продолжиме да разговараме, тоа никогаш нема да го дознаеме… Дали вечер, дали утре, дали наредните денови, во секој случај постои желба да се разговара на оваа тема“,
изјави Маричиќ
На новинарските прашања за конректните ставови на ВМРО-ДПМНЕ, партија која веќе го отфрли францускиот предлог нарекувајќи го предавство и обид за асимилација и бугаризација, Маричиќ не сакаше да соопшти многу детали. Иако остави опозицијата сама да го сподели впечатокот од средбата, тој кажа и дека не слушнале ништо ново од опозицијата.
„ВМРО-ДПМНЕ изнесе други идеи поврзани со преговарачката рамка, меѓутоа тоа би го оставил за нив да го соопштат и да ги изнесат своите ставови, што не беа различни од она што го видовме до сега. Сметаме дека беше добра почетна средба, добра почетна точка со овие позиции и мислам дека во наредните денови треба да продолжиме да разговараме. “,