Тие ќе се сретнат и со советничката на Макрон, Изабел Думон, како и со сенаторот Роберт Бадентер
Во Париз, според најавата, тие ќе се сретнат со државниот секретар за европски прашања во Министерството за Европа и надворешни работи на Франција, Клеман Бон.
Исто така, ќе имаат средба и со Изабел Думон – дипломатскиот советник за континентална Европа и Турција на претседателот Емануел Макрон.
„Во фокус на разговорите ќе биде европското досие на Северна Македонија, во светло на актуелното француско претседателство со Советот на Европската Унија, а се очекува да бидат разменети мислења и за други актуелни регионални и глобални предизвици“,
најавуваат од кабинетите на Маричиќ и Османи.
Во рамки на посетата на Париз, предвидено е тие да се сретнат и со сенаторот Робер Бадентер.
Photo: EPA-EFE/OLIVIER HOSLET