Седум часот е наутро, а Санде Стојановски веќе се загрева.
Со своите 72 години се подготвува да го трча скопскиот маратон.
Прва придружба му е 35 години помладиот син Игор.
„ Минатата година за првпат трчавме маратон. Оваа година ќе ни биде втор маратон кој ќе го истрчаме заедно.“ – вели Игор Стојановски.
Игор трча редовно од пред 5 години.
Инспириран токму од својот татко.
„ Јас одев на работа, се хранев нездраво, бев подебел и се поклопија неколку причини коишто ме поттикнаа да почнам да трчам, меѓу кои беше и таа да одам да го гледам татко ми.“
Санде ги открива своите навики за да биде витален.
Тоа се начинот на исхрана и работа на нива.
Но, за маратонското трчање и тој има своја инспирација.
„ Маратонот ми дојде како инспирација кога Фуере беше тука како претставник, секој ден го гледав трча до Водно. Јас си реков кога трчаме сигурно ќе го поминам него ако не друг и тој по мене дојде 15 минути. – со ведрина раскажува Санде Стојановски.“
Еден час пред почетокот, Санде и Игор се на пат кон стартната линија.
Во центарот на Скопје ги чекаат рекордни 12500 учесници.
Доаѓаат од 58 различни земји.
Сите тргнуваат во исто време.
Меѓу нив, еден покрај друг, и Санде и Игор.
Патеката е долга 42 километри
По 4 часа и 7 минути Санде и Игор заедно се на целта
„ Супер сме, задоволни, се чувствуваме супер, можеме дома да си одиме пешки.“ – вели Игор Стојановски.
„ Времето одговараше, за разлика од ланската година, оваа година беше подобро, имав подобар резултат од лани за 7 минути. Лани бев 4:14 минути, сега 4:07 минути.“ – споделува Санде Стојановски.
Времето за златен медал годинава е 2 часа и 15 минути.
Санде не стигна до медал, но доби посебно признание.
За највозрасен маратонец што стигна на целта.
„ Чичко Санде, 72 години, 42 километри истрчани. Секоја чест уште еднаш“. – гласеше пораката од организаторите на скопскиот маратон.