Дванаесетгодишна велешанка физички нападнала малолетно девојче на возраст од 11 години, додека тоа ѝ се јавувало на телефон на мајка си и барало помош. Други девојчиња, наместо да му помогнат на нападнатото девојче, го снимале вознемирувачкиот настан, а видеото се шири на социјалните мрежи.
Случајот во полиција бил пријавен вчера, а се случил на 17 април околу 16 часот на ул. „11 Октомври“ во Велес.
Портпаролот на СВР-Велес, Верољуб Додевски, информира дека пријавеното девојче за два дена злоупотребувало две малолетни девојчиња, како и дека полицијата во соработка со Центарот за социјални работи работи на овој случај.
12 годишно девојче од Велес нападнато од својата врсничка додека бара помош од својата мајка по телефон, а останатите нејзини врснички снимаат и го подржуваат насилството !!! @o_spasovski pic.twitter.com/AA2Ol4vErK
— ВИЌО ИНСПЕКТОР (@VikoInspektor) April 20, 2021
Тој, исто така, информира дека од граѓани било пријавено оти и наредниот ден, 18 април, околу 15 часот на ул. „11 Октомври“ истата малолетничка физички нападнала друга малолетничка од Велес.
„Во врска со настанот, во полициска станица, во присуство на родител и социјален работник, бил извршен разговор со малолетното девојче, како и со уште една малолетничка која учествувала во настаните. Се преземаат и дополнителни мерки и по целосно документирање на случајот во координација со Центарот за социјални работи ќе бидат поднесени соодветни поднесоци, како и пријава против родителот С.И. (39) од Велес поради негрижа за дете“,
појасни Додевски.