Како двајца лидери на европски земји, тие бараат од Вучиќ да покаже максимална одлучност и подготвеност за носење на тешки одлуки кои ќе водат кон напредок во дијалогот помеѓу Србија и Косово, под покровителство на ЕУ, а бараат и нивните советници заедно со Мирослав Лајчак да ги посетат Белград и Приштина да се направи брз напредок
Србија и Косово треба целосно да ги нормализираат односите, порачуваат францускиот претседател Емануел Макрон и германскиот канцелар Олаф Шолц во заедничко писмо што му го испратиле на српскиот претседател Александар Вучиќ.
„Ви ги испраќаме ова заедничко писмо во момент кој е пресудно значење за безбедноста на европскиот континет и стабилноста во регионот на Западен Балкан. Уверени сме дека во ситуација на руската агресија врз Украина, морале да вложиме уште посилни напори со цел европската перспектива на Западен Балкан да стане реалност и да се решат долготрајните билатерални и регионални спорови. Целосна нормализација на односите помеѓу Србија и Косово е од суштинско значење за Западен Балкан“,
пишува во соопштението на двајцата европски лидери, пренесува Н1.
Како двајца лидери на европски земји, тие бараат од Вучиќ да покаже максимална одлучност и подготвеност за носење на тешки одлуки кои ќе водат кон напредок во дијалогот помеѓу Србија и Косово, под покровителство на ЕУ. Тие ги овластиле своите советници интензивно да се вклучат и да му помогнат на специјалниот претставник на ЕУ за дијалогот Приштина-Белград, Мирослав Лајчак.
„Неодамнешните тензии покажаа дека итно е потребно да се направат конструктивни чекори напред, како на практично така и на политичко ниво. Затоа ги задолживме нашите советници за надворешна и безбедносна политика Јенс Плетнер и Емануел Бон, да му пружат директна помош на Мирослав Лајчак во неговите заложби. Предлагаме нашите советници заедно со Мирослав Лајчак, да ги посетат Косово и Србија, за да ги истражат можностите за бргу да се направи напредок“,
пишуваат Макрон и Шолц.
Во писмото тие додаваат и дека се навеваат оти иницијативата ќе наиде на интерес и поддршка од Вучиќ.