Претседателот на Франција, Емануел Макрон, ги предупреди лидерите на земјите членки на Европска Унија дека кризата со новиот коронавирус го доведува во прашање опстанокот на европскиот проект.
„Постои ризик епидемијата да ги поткопа основните столбови на Унијата,
изјави Макрон на вчерашниот Европски совет, кој се одржа преку конференциска врска.
Тој додаде дека постои опасност од распаѓање на шенген-просторот за слободно движење. Шенгенскиот договор вчера одбележа 25 години со затворени внатрешни граници на ЕУ поради ковид-19.
На виртуелниот Самит на ЕУ, германската канцеларка Ангела Меркел се изјасни против издавањето заеднички европски „корона-обврзници“ со цел да се поддржи економијата.
Франција и Италија неодамна предложија издавање на такви обврзници.