Според проекциите на агенцијата Асошиејтед прес и други водечки медиуми, Трамп е на чекор до победа на претседателските избори во САД откако обезбедил 267 електорски гласa, а неговата ривалка, демократската кандидатка Камала Харис, има 224
Францускиот претседател Емануел Макрон му честита на Доналд Трамп, обраќајќи му се како претседател на САД, со порака дека е подготвен да работат заедно како и пред четири години за време на претходниот негов мандат.
„Честитки, претседателе Доналд Трамп. Подготвен да работиме заедно како што работевме четири години. Со вашите убедувања и со моите. Со почит и амбиција. За повеќе мир и просперитет“,
напиша францускиот претседател на мрежата Икс.
Congratulations, President @realDonaldTrump. Ready to work together as we did for four years. With your convictions and mine. With respect and ambition. For more peace and prosperity.
— Emmanuel Macron (@EmmanuelMacron) November 6, 2024
Трамп претходно утринава прогласи победа на изборите во САД.
Видно задоволен и исполнет, тој на сцената на својот имот во Мар-а-Лаго во Флорида се појави со своето семејство и неговиот изборен тим. Порача дека во Америка доаѓа нова златна ера, во која земјата повторно ќе биде голема, алудирајќи на мотото на неговото движење „Да ја направиме Америка повторно голема“ (Make Amarica Great Again – MAGA).
Според проекциите на агенцијата Асошиејтед прес и други водечки медиуми, Трамп е на чекор до победа на претседателските избори во САД откако обезбедил 267 електорски гласa, а неговата ривалка, демократската кандидатка Камала Харис, има 224.