Македонскиот таеквондистот Дејан Георгиевски се пласира во четвртфиналето, категорија +80 килограми на Олимпискиот турнир во Токио, откако утринава го победи актуелниот светски шампион Рафаел Алба од Куба. Тој ја доби првата рунда со 5:1, иако противникот го освои првиот поен.
Георгиевски ја зголеми предноста по втората рунда која изнесуваше седум поени (10:3). На крајот успеа со 11:8 да слави победа.
Следен противник на македонскиот знаменосец на отворањето на Игрите, ќе биде Губане од Брегот на Слоновата коска.
Четвртфиналната борба треба да се одржи околу 8:45 часот по македонско време.